Dünyada ən ağır beyin görkəmli Azərbaycan dramaturqu Cəfər Cabbarlıya məxsusdur - 2775 qram
C.Cabbarlının beynindəki büküşlər Lenininkindən də dərindir. İ.S.Turgenev isə ikinci yerdədir - 2012qram. Yada salaq ki, həm C.Cabbarlı, həm də İ.Turgenev əslən türk xalqları ailəsinə mənsubdurlar.
Böyük dramaturq, gənc yaşında dünyasını dəyişən ədəbiyyat, mədəniyyət xadimi Cəfər Cabbarlı xüsusi fitri istedad sahibi kimi bu gün ən az araşdırılan bir şəxsiyyətdir. Onun daha çox dram əsərləri və ədəbi yaradıcılığı araşdırmaçıların diqqətində olub. Təbii ki, həyatna da toxulunub. Amma 20 yaşında şedevrlər yaradan Cəfərin dahiliyi bir o qədər də diqqət mərkəzində olmayıb. Həmçinin, onun həyatı barəsində bəzi faktlar da yanlış göstərilib.
Cəfər Cabbarlı ilə vida mərasimi 1935-ci il yanvarın 2-də İsmailiyyə binasında keçirilir. Böyük bir izdiham sənətkarı son mənzilə, Fəxri Xiyabana yola salır.
C. Cabbarlının qızı Gülarə Cabbarlının iddiasına görə, həkimlər anası Sona xanıma deyiblər ki, Cəfər Cabbarlı öldükdən sonra onun beyni çıxarılıb. Moskvaya, oradan da Leninqrada aparıblar. Orada hansısa muzeydə Maksim Qorkinin, Leninin beyinlərilə birgə saxlanılıb. Çəkisi də 2,5 kq-a qədər imiş. Leninin də, Qorkinin də beynindən böyük imiş. Dediyinə görə, bütün bu şeylər o vaxt Dövlət Təhlükəsizlik Komitəsinin diqqətində olan məsələlər olduğuna görə heç kimə demirmiş.
Musiqişünas alim, professor Abbasqulu Nəcəfzadə:açıqlamasında bu ehtimal barəsində fərziyyələrini irəli sürüb:
"O qeri-adi insan olub, ruhlarla təmas qurub. Görmədiyi tarixi, ictimai-siyasi hadisələri elə canlandırıb ki, sanki hadisələrin iştirakçısı olub. Bu da hər kəsdə şübhə yaradıb, ona görə Cəfərin beyni marağa səbəb olub, laboratoriyalarda analiz edilməsi inandırıcıdır. Mən bütün sahələri qoyuram kənara, musiqişünaslıqla bağlı Cəfərin gördüyü işlər hələ yetərincə araşdırılmayıb. Bununla tədqiqat əsəri hazırlayıram. Dəhşətə gəlirəm, gizli imzalarla 15-16 yaşdan etibarən elə təhlillər aparır ki, bunu ancaq ali təhsilli musiqişünaslar yaza bilərdi...”
|