"Sən həmişə bizimləsən"
Bu gün təkcə Azərbaycan yox,bütün türk dünyası ulu
öndər Heydər Əliyevin doğum gününü qeyd edir.
Ulu öndər
H.Əliyevin 90 illik yubileyi
münasibətilə "Sən həmişə bizimləsən”
adlı ədəbi-bədii kompozisiya bizim məktəbdə də keçirildi.
Azərbaycan
xalqının tarixində və taleyüklü məsələlərin həllində müstəsna xidmətləri olan
tarixi şəxsiyyətlər,görkəmli siyasət və dövlət adamları çox olmuşdur.Belə
tarixi şəxsiyyətlər içərisində Azərbaycan xalqının ümummilli lideri adını
qazanmış görkəmli dövlət xadimi,dünya miqyaslı siyasətçi Heydər Əliyevin xüsusi
rolu vardır.
Heydər
Əlirza oğlu Əliyev 1923-cü il mayın 10-da Azərbaycanın Naxçıvan şəhərində
anadan olmuşdur. 1939-cu ildə Naxçıvan Pedaqoji Texnikumunu bitirdikdən sonra Azərbaycan Sənaye İnstitutunun memarlıq fakültəsində
təhsil almışdır. Başlanan müharibə ona təhsilini başa çatdırmağa imkan verməmişdir.
1941-ci
ildən təhlükəsizlik orqanları sistemində çalışan Heydər Əliyev 1964-cü ildən
Dövlət Təhlükəsizliyi komitəsi sədrinin müavini,1967-ci ildə isə sədri vəzifəsində
işləmiş,general-mayor rütbəsinə qədər yüksəlmişdir.
Azərbaycan
Komunist Partiyası Mərkəzi komitəsinin 1969-cu il iyul Plenumunda Heydər Əliyev
Azərbaycan Kommunist Partiyası Mərkəzi Komitəsinin birinci katibi seçilərək
respublikanın rəhbəri olmuşdur.
1982-ci
ildən Moskvada yüksək vəzifələrdə işləyən Heydər Əliyev 5 ildən sonra 1987-ci
ildə Sovet İttifaqı Kommunist Partiyası Mərkəzi komitənin baş katibi Mixail
Qarbaçovun yeritdiyi siyasi xəttə etiraz əlaməti olaraq tutduğu vəzifədən
istefa vermişdir.
Heydər
Əliyev 1990-cı ilin 20 yanvarında sovet qoşunlarının Bakıda törətdiyi qanlı
faciə ilə əlaqədar ertəsi gün Azərbaycanın Moskvadakı nümayəndəliyində bəyanatla
çıxış edərək, Azərbaycan xalqına qarşı törədilmiş cinayətin təşkilatçılarının cəzalandırılmasını
tələb etmişdir.
1991-ci
ildə Mərkəzi Komitə rəhbərliyinin ikiüzlü siyasətinə etiraz əlaməti olaraq
Sovet İttifaqı Kommunist Partiyasının sıralarını tərk etmişdir.
Deyirlər
insana adı Allah verir.Bu doğrudur.Çünki "Heydər" sözünün mənası da
bunu təsdiq edir.Mənası "igid","cəsur" deməkdir.Müdriklərimiz
demişlər:"Dünyanın bütün ağırlığı qeyri-adi adamların çiyinləri üstündədir".Qeyri-adilər
olmasaydı,dünya da adi olardı.Belə dünyada yaşamağa dəyərdimi?
Qan
yaddaşımıza həkk olunan 20 Yanvar,Xocalı soyqırımı,Vətənimizin başına gətirilən
saysız-hesabsız müsibətlər hər birimizin qəlbini dərindən göynədir.Məsum körpələrin
erməni süngüsündə "bayrağa"çevrildiyi,qız-gəlinlərimizin əsir
düşdüyü,Şuşa,Xocalı,Kəlbəcər,Ağdam,Zəngilan,Laçın və Füzulinin düşmən
tapdağında inlədiyi bir vaxtda bu xalqın,bu yurdun imdadına Heydər Əliyev
çatdı.Onu Azərbaycan xalqı-Odlar ölkəsi çağırdı.
Çünki
düşdüyü bəladan onu ancaq Heydər Əliyev çıxara bilərdi.
İnsan öz
tanrısından həmişə üç şey diləyir:"Güc,səbir və bir də müdriklik".Hər
üç əlamət bu dahi şəxsiyyətdə cəmlənmişdi.Xalqının harayına "hay"
verdi.Xalqının çağırışını eşidib "Simurq" quşu kimi özünü xalqına
yetirdi.Vətən göylərində günəş kimi parladı,müdrik Qorqud kimi xalqının önündə
dayandı."Öndər" adını qazandı.
Tarixdə
yeni bir səhifə açıldı.1993-cü il 3 oktyabr.Ümumxalq səs verməsi nəticəsində
Heydər Əliyev Azərbaycan Respublikasının Prezidenti seçildi."Prezident
andı "içdi,üçrəngli bayrağı,müqəddəs "Quran"ı öpdü.Məkkədə
Allahdan güc,kömək istədi,dini ocaqları-Məşhədi,Kərbəlanı ziyarət etdi,haqqa
tapındı.Məsuliyyətlə dərk etdi ki,o,sinəsi şəhid yaralı,alimi
susdurulan,ziyalısı yandırılan bir ölkənin-Azərbaycanın oğludur.
Heydər Əliyev ən çətin anda
böyük dayağa-xalqa söykəndi.Bildi ki,xalqa söykənən dağa söykənir,xalqdan güc
alan basılmaz,yenilməz olur.Prezidentimiz igid və cəsur olduğunu öz əməlləri ilə,diplomat
olduğunu rəsmi görüşləri ilə,güclü siyasətçi olduğunu rəsmi sənədlərlə, xalqla
birgə olduğunu, millətin qəlbində doğma, əziz bir insana çevrilməyini əyani
formada sübut etdi.
Heç bir zaman dəyərini
itirməyəcək,yaddaşlarda qalacaq kəlamlar söylədi.
2003-cü il oktyabrın 15-də
keçirilən prezident seçkilərində namizədliyinin irəli sürülməsinə razılıq
vermiş Heydər Əliyev səhhətində yaranmış problemlərlə əlaqədar seçkilərdə
iştirak etməkdən imtina etmişdir.Dekabrın 12-də Azərbaycanın ümummilli
lideri,Prezident Heydər Əliyev Amerika Birləşmiş Ştatlarının Klivlend
Klinikasında vəfat etmişdir.Heydər Əliyev bir çox dövlət orden və
medallara,beynəlxalq mükafatlara layiq
görülmüş,müxtəlif ölkələrin universitetlərinin fəxri doktoru seçilmişdir.
Ümummilli lider Heydər
Əliyevi dünyanı dəyişmiş insanlar cərgəsinə aid etmək olar.Müasirləri onun
gördüyü işləri hələ layiqincə dəyərləndirməyiblər.Onun yer üzünə nə üçün gəldiyini
və kim tərəfindən göndərildiyini tam dərk edə bilmək üçün hələ olduqca az vaxt
keçib.XX əsr və XXI əsrin başlanğıcının görkəmli siyasətçilərindən və dövlət
xadimlərindən biri olan Heydər Əliyevin ibrətamiz siyasi fəaliyyəti gələcək
yüzilliklərdə hələ neçə-neçə siyasət
adamına istiqamət verəcəkdir.
H.Əliyev ömrünün 81-ci ilində dünyasını dəyişdi. Millətə
və dövlətə xidmətə həsr olunmuş mənalı bir ömür başa çatdı. O, ömrünün 81-ci
ilində müdriklik, ağsaqqallıq zirvəsində
bizi tərk etdi. Amma o, cismən bizdən ayrılıb. H.Əliyev öz ideyaları, hələ başa çatdıra bilmədiyi işlərlə,
Azərbaycanın 10, 20, 50, 100 il sonrakı gələcəyini görən böyük planları,
arzuları ilə daima bizimlə olacaq.
Ulu öndərin bir arzusu vardı:Torpaqlarımızı
düşmən tapdağından azad etmək.Bu gün onun yolunu layiqincə davam etdirən,bütün
sahələrdə uğurlu islahatlar aparan Heydər Əliyevin layiqli varisi İlham Əliyev
var.
Biz inanırıq ki,İlham
Əliyevin uzaqgörən və ağıllı siyasəti nəticəsində "Qarabağ bülbüllərinin şən
səsi yenə də Şuşa dağlarında göylərə ucalacaq.Dədə Ələsgər,Üzeyir bəy,Dədə Şəmşir
və Xan qızı Natəvanın dustaq məzarları asudəlik tapacaq,mərmilərdən ləçəkləri
parça-parça olmuş Xarı bülbül,Sarı bülbülə qarışacaq,müqəddəs üçrəngli
bayrağımız Kirs dağın zirvəsində əzəmətlə,qələbə əzmi ilə dalğalanacaqdır.
|