TARİXDƏKİ GERÇƏK İSGƏNDƏR

Makedoniyalı İsgəndər nadir hərbi istedad sahibi, məğlubedilməz fateh idi. Onun haqqında miflərin çoxu sonradan yaradılmışdır. İsgəndər hələ uşaq ikən atası Filippin qələbələrinə sevinmirdi. Qasidlər xəbər gətirəndə ki, atan Filipp hansısa ölkəni tutub, uşaq sevinmək əvəzinə yasa batırdı. Səbəbini soruşanda deyirdi ki, qorxuram atam bütün dünyanı tuta, mənim üçün tutmağa yer qalmaya. İsgəndər 20 yaşına çatanda atasını öldürdü. Dəbilqələrindəki vəhşi təkə buynuzunu qopardıb dünyanın fəthinə başladı. İsgəndər Aran və Karan övladı kimi nəsillikcə yunanlara düşmən idi. Çünki qrek deyildi, Asiya mənşəli idi. Ata xəttilə Karan, ana xəttilə Aran nəslindən çıxmışdı. Yalnız yunanları yox, farsların əcdadları olan əhəməniləri də Makedoniyaya düşmən bilirdi. Ona görə də əhəmənilərlə daim savaşda olan Suziana və Bərdək zadəganları ilə qohumluq əlaqələri yaratdı. Aramey və İvrit mətnlərindəki Bərdək Elamın Bərdə şəhəridir. Suziana isə Şuşadır. Avropa tarixçiləri öz gizli niyyətlərinə uyğun olaraq Şuşa şəhər adını Suz, Şuşa ölkə adını Suziana yazırlar. İsgəndər Aran nəslindən Azonu İveriya üzərinə hakim təyin etdi. Makedoniyalı İsgəndərə qədər Amazonka qızlar yenilməz idilər. Qeyi-adi güc sahibləri olan o qızlar oğlanları əsir tutur, onlardan doğduqları uşaq oğlandırsa, diri-diri torpağa basdırır, qızdırsa böyüdüb döyüşçü hazırlayırdılar. Amazonka qızların lideri İsgəndərin gücünü görəndən sonra fatehliyi tərk etdi. İçkiyə qurşanıb qüssə içində ömrünü başa vurdu. O elə bilirdi ki, analar elə bir oğlan doğmayıblar ki, Amazonka qızlardan güclü olsun. Orta əsr müsəlman mənbələri bizim ədəbiyyat tariximizi öyrənmək üçün yetərli deyil. Qədim yunan, latın, aramey, kopt dilləri üzrə gənc tədqiqatçılar hazırlamalıyıq. Bizim Aran, Karan, H"Erakl nəslinin gerçək tarixini elmi tədqiqatın obyektinə çevirməliyik.