Bakı Şəhəri üzrə Təhsil İdarəsi Bakı məktəblərində "Tariximiz - dünənimiz, bu günümüz və gələcəyimizdir” adlı "Azərbaycan tarixi” aylığını keçirməyə başlayıb.

Müvafiq əmrə əsasən Bakı şəhərindəki  məktəblərdə o cümlədən bizim məktəbimizdə tarix aylığı keçirildi. Bu məqsədlə məktəbimizdə ciddi hazırlıq işləri aparılmışdı. Tarix aylığı ilə bağlı olaraq məktəbimizdə bir sıra tədbirlər həyata keçirildi. Bu tədbirlərə tarixlə bağlı divar qəzetlərinin hazırlanması, tarixlə bağlı rəsm sərgisinin təşkili, tarixi yerlərə ekskursiyaların təşkil edilməsi, müasir və fəal təlim metodları ilə açıq dərslərin keçirilməsi, Səfəvi dövlətinin tarixçəsini özündə əks etdirən "tarix gecəsinin” keçirilməsi və s. aiddir.

Aylığın məqsədi ümumtəhsil məktəblərində təhsilin keyfiyyətinin yüksəldilməsi, fənn müəllimlərinin, şagirdlərin, dərnək rəhbərlərinin tədris prosesində və sinifdənxaric tədbirlərdə yaradıcı fəaliyyətinin səviyyəsinin öyrənilməsi və təbliği, eləcə də hər bir fənn üzrə sinifdənxaric tədbirlərin təşkilidir.