Marağımıza səbəb olan belə materiallardan biri də 1938-ci il sentyabrın 24-də “Ədəbiyyat qəzeti”ndə Mirzə Fətəli Axundov haqqında dərc olunmuş xatirədir. Bu xatirəni Axundovun uzun müddət aşpazı işləyən bir adam danışır. Düşünürəm, bu xatirə ilk dəfədir ki, müasir oxuculara təqdim olunur:

Mənim atam Nəcəf Tiflisdə sabiq Varansovski küçəsində Mirzə Fətəli Axundovun yanında aşbaz idi. Özümüz də Mirzə Fətəli Axundovun yanında olurduq. O zamanlar mən balaca uşaq idim. 11-12 yaşım ancaq olardı. Atam nağıl eləyir ki, on iki ildən artıq mən Mirzə Fətəlinin yanında xidmət elədim. Bu on iki ilin müddətində bircə dəfə də olsa mən Mirzə Fətəlidən incimədim və bu on iki ildə yadıma gəlməyir ki, Mirzə Fətəli evində tək çörək yemiş olsun.

Atam həmişə anama Mirzə Fətəlinin xasiyyətlərindən danışıb gülərdi.

Atam deyir ki, bir gün Mirzənin arvadı Tubu xanım yayqabağı ev tökmüşdü. Mən də mətbəxdə bişmiş hazırlayırdım. Mirzə də balqonda gəzirdi. Həy ... Читать дальше »