1.Gündəlik özünütəhlil

Hər gün 5-10 dəqiqə özünütəhlilə, yəni düşüncə tərzinizin qiymətləndirilməsinə sərf edin. Gün ərzində ağlınıza hansı fikirlərin gəldiyini izləyin, baş verən hadisələrə necə reaksiya verdiyinizi yoxlayın və bu və ya digər qərarın səbəblərini araşdırın.

Bu məşqi gün ərzində bir neçə dəfə yerinə yetirməyiniz tövsiyə olunur.

2.Yeni informasiya mənbələri

Öyrəşmədiyiniz formatlardan istifadə etməyə çalışın. Məsələn, kitab oxumağı sevirsinizsə, diqqətinizi faydalı videolara yönəldin. Bununla da, beyniniz qeyri-adi fəaliyyət növü ilə üzləşmiş olacaq və nəticədə düşüncə tərziniz daha çevik olacaq. Fəaliyyətləriniz nə qədər fərqli olsa, koqnitiv bacarıqlarınız bir o qədər yaxşı inkişaf edəcək.

3.Hobbi və məşğuliyyətlər

Ən sıx qrafikdə belə boş vaxt tapmaq mümkündür. Buna görə qrafik redaktorda işləməyi, bloqda məqalə yazmağı və ya gitarada çalmağı sevirsinizsə, tərəddüd etməyin və buna vaxt ayırın! Birincisi, rutin işlərdən diqqətinizi yayındırmış olacaqsınız. İkincisi, beynin adi rejimdə “istirahət edən” bölgələrini işləməyə məcbur edəcəksiniz.

4.Məktub

Müasir dövrdə insanlar ən çox ya klaviaturaya, ya da telefonun ekranına baxırlar. Bəli, bu rahatdır, amma qələm və kağızı da unutmaq lazım deyil. Yazı zamanı beyin daha çox resurs xərcləyir, eyni zamanda düşünmə prosesləri aktivləşir.

5.Koqnitiv məşqlər

Beynini tonusda saxlamağı sevənlər üçün koqnitiv məşqlər mövcuddur. Onların köməyi ilə yaddaşı gücləndirmək, diqqəti və düşüncəni inkişaf etdirmək mümkündür. Bu məqsədlə müasir cihazlardan da istifadə edə bilərsiniz: telefon, planşet, noutbuk.